L’acoyida d’esta xunta, que va cellebrase’l 7 y 8 de febreru nel hotel NH Xixón y l’hotel Abba Sablera de Xixón, ye frutu del trabayu nel marcu de la mesa de concertación social para la captación del turismu MICE
Xixón va ser la anfitriona de la edición nacional de la Association Meetings Workshop (AMW) los díes 7 y 8 de febreru de 2024. Trátase d’un cónclave empobináu al sector asociativu y diseñau p’ayudar a les principales sociedaes y asociaciones españoles na elección de destinos y sedes óptimos pa los sos futuros congresos y eventos. L’acoyida d’esta convención ye la resultancia de los esfuercios que tán realizándose nel marcu de la mesa de concertación social pa la captación del turismu MICE.
Un de los oxetivos concretos d’esta acción ye implicar a les empreses llocales nel desendolcu d’eventos, amosando la potencialidá de les mesmes énte posibles compradores. Trátase d’empreses de con capacidá p’allugar congresos, sedes pa eventos nesti casu, o empreses que puedan emprestar los sos servicios mientres la cellebración de los mesmos. Amás, amuésase la capacidá del destín p’atrayer esti tipu de segmentu turísticu.
L’AMW ufierta una oportunidá pa les asociaciones p’afayar la ufierta distintiva de Xixón, pente otros destinos, los sos palacios de congresos, hoteles destacaos y los provisores más notables de la industria. Los asistentes van poder forxar conexones con colegues de diverses sociedaes y esfrutar d’un programa social esclusivu.
Nesta edición, el AMW presenta innovaciones nel formatu del so programa pa potenciar el diálogu y la collaboración ente veceros y provisores. Los participantes van beneficiase d’una redolada afayaiza pal networking a lo llargo de los dos díes del eventu.
La planificación y execución del Association Meetings Workshop (AMW) ye una collaboración sinérxica lliderada por Bco Congresos y MICE & Forum Inside, fortalecida adicionalmente pol respaldu del Xixón Convention Bureau, amás d’otres instituciones y corporaciones.
Susana Sela
This work is licensed under a Creative Commons Attribution 4.0 International License.
