Visita Xixón robla un alcuerdu cola Asociación de Organizadores de Incentivos SITE  pa participar nes sos aiciones de promoción y ‘networking’

Xixón refuercia’l so posicionamientu como destín d’incentivos. La entidá municipal encargada de la promoción del turismu na ciudá asturiana, Visita Xixón, ta acabante de roblar un alcuerdu pa convertise en patrocinador “Gold” de l’Asociación de Organizadores de Incentivos SITE Spain. Les dos partes van collaborar n’aiciones pa reactivar l’actividad nel sector MICE y, concretamente, el subsector de los incentivos.

Visita Xixón afita asina la so marca ente los actores principales de la industria nel nuesu país. Concretamente, l’alcuerdu inclúi, pente les sos aiciones la organización d’un viaxe de familiarización p’axencies de SITE Spain pa que puean conocer la ufierta pa incentivos de Xixón, la inclusión de hasta dos persones de Visita Xixón na base datos de SITE Spain pa que tean informaes dafechu de cualesquier actividá qu’esta entame, la posibilidá d’acoyer en Xixón dalgún conceyu de la xunta direutiva de SITE Spain ya’l drechu a que hasta dos persones de Visita Xixón asistan a los eventos que SITE Spain organice pa potenciar el networking.

Susana Sela

This work is licensed under a Creative Commons Attribution 4.0 International License.