Foi necesario meses de protestes y la intervención del Serviciu Asturianu de Solución Estraxudicial de Conflictos, Sasec, p’algamar un entamu d’alcuerdu pente la direción de la empresa pública ya’l comité d’empresa

Tres de 14 hores aconceyaos, la direción y el comité de la empresa pública que xestiona les estaciones de la ITV n’Asturies, ITVASA, foron quien a averar dalgunes posiciones que tienen de perfilase y concretase anantes del prósimu aconceyamientu, que tendrá llugar pasao mañana, vienres, nel que intentará presllase un alcuerdu pente les partes. 

L’asamblea de trabayaores tendrá que decidir entós si aceuta o non lo alcordao.

Pente les cuestiones trataes, el pasu de la xornada llaboral de 37,5 a 35 hores semanales,  la revisión de les categoríes profesionales, a partir d’un estudiua ellaborar por una firma esterna especializao, l’ establecimientu d’un complementu venceyáu a l’antigüedá y la participación de la parte social nel diseñu de les bases de les futures contrataciones de personal.

Entantu y non, los paros previstos pal miércoles y vienres d’esta selmana, queden suspendios comu amuesa de bona fe por parte de los trabayaores. Les protestes entamaron nel mes de payares y fasta agora van xenerando hasta siete meses de llistes d’espera en dalgunes de les diez estaciones que tien ITVASA.