El sábadu 2 de marzu a les 21.30h esta xoven banda va presentar el so tercer discu, con soníos influenciaos por bandes como La M.O.D.A
NØGEN ye una xoven formación que fai indie, folk, pop y rock y que ye ún de los nomes más destacaos de la renovación musical na escena vasca, como amuesen les millones de reproducciones que tienen en YouTube o’l munchísimu públicu que movilicen pa los sos conciertos nel País Vascu.
Musicalmente tienen influencies como La M.O.D.A o Mumford and Sons y, tres de visitar Asturies en 2019 y tener xirao per países como Xapón, Corea o Cuba, agora vuelven a Uviéu. El 2 de marzu a les
21.30h, na sala La Salveje d’Uviéu, con preciu d’entrada de 10 € anticipada y 12 € na puerta, van presentar el so tercer discu, Åben Cirkel, y reflexar la so calidá con una potente puesta n’escena.
N’Åben Cirkel [5] la formación donostiarra entemez les sos reconocibles melodíes con elementos nuevos que te lleven a un viaxe sonoru. Exemplu d’ello son cantares seles como “Abendua” cola collaboración de David Ruiz de La M.O.D.A cantando n’euskera, o la enérxica “Guztia edo ezer ez”. A traviés de la emotiva y poderosa voz d’Ane Negeruela y la vitalidá del restu la banda, nesti tercer álbum Nøgen fae una fusión que va dende lo folkie hasta soníos más vanguardistes y qu’atrapa dende la primer nota.
Susana Sela
This work is licensed under a Creative Commons Attribution 4.0 International License.
