La turbonada d’ayeri nun restó fuercies a los manifestantes que tornaron a desixir l’altu al fuegu en Palestina y la implicación vraera de los gobiernos europeos p’aparar el xenocidiu

Otra vuelta los ciudadanos anubrieron les cais de Xixón, escontra’l xenocidiu del pueblu palestín, reclamando’l fin del comerciu d’armes y  desixendo la ruptura de rellaciones con Israel. La fuerte lluvia ya’l vientu nun restaron puxu a los manifestantes, que denunciaron la complicidá silenciosa de los gobiernos europeos, guiaos polos sos intereses económicos y la so sumisión a los EEXX. 

Tamién se criticó nel manifiestu lleíu pa la ocasión la falta d’actuación de la mayoría de los gobiernos árabes, acusándolos de pasividá interesada. Los allí presentes comprometiéronse a “Apoyar la llucha del
pueblu palestín. Por un principiu de solidaridá internacionalista, pero tamién pola llucha antiimperialista pa la clas trabayadora. La derrota del proyectu sionista supondría una dura derrota pal imperialismu hexemónicu estauxuniense y europeu, y poro, sedría una gran victoria pa la clas trabayadora en tol mundu”. 

Como actu previu al manifestamientu, Asturies Insumisa protagonizó el día anantes una acción na qu’escolingaron pancartes de “Palestina insumisa” y “Israel Xenocida” nes pontes enriba l’autopista Y.

Nel Dos Santos

This work is licensed under a Creative Commons Attribution 4.0 International License.