Doce ñacimientos y 36 muertes n’Asturies al día

1 Marzu, 2024

Les nacencies de 2023 n’Asturies marquen un mínimu históricu: 4.607 mientres los fallecimientos superen los 13.000, dexando el vexetativa en casi 8.600 asturianos menos en dolce meses

Mientres el Parlamentu autonómicu sigui aldericando’l proyectu de llei d’Impulsu Demográficu, que vien ser la continuación dela fallida llei de Retu Demográficu aprobada’n marzu del 2023, Asturies sigue perdiendo asturianos.

2023 preslló cola cifra más baxa de nacencies recoyida pol INE, tan solo 4.607 recien nacíos, frente a los 13.200 muertos. Esto ye, qu’acaldía perdiéronse 24 asturianos. Eso quier dicir que’l descensu de la natalidá foi nel últimu añu del 2,89% de casi’l venti, 19,64%, dende’l 2018.

El peligru de tratar de compensar esta perda vexetativa con inmigraciones (1.034 españoles y 9.129 provenientes d’otros países) incluyi una pergrave perda cultural y patrimonial, una bones nun se ta consiguiendo integrar a los acabante llegar nel nuesu idioma y tradiciones. Amás, ye de prever que bona parte d’estes persones vuelvan camudase o tornen a los sos llugares d’orixe, si nun atopen equí les condiciones llaborales y de vida que vinieron buscando.

Porque precisamente ende anicia’l problema, nes condiciones llaborales y la dificultá de crear una familia nes actuales condiciones económiques qu’enfrenta la mocedá asturiano, con un paru y un nivel de probitú bien cimera al del restu del estáu, salarios medios inferiores y precios de vivienda inasumibles. L’apueste pol turismu y l’hostelería faen tamién enforma dañu a la natalidá, una y bones los trabayos venceyaos non solo nun ufierten la estabilidá y los salarios necesarios para plantegase tener una familia, sinón que los horarios llaborales son incompatibles dafechu cola crianza de los fíos.

La natalidá nun s’impulsa con midíes de sofitu puntuales, sinón xenerando una redolada sociolaboral que dexe plantegase tener un fíu ensin qu’ello represente una carga económica y familiar inasumible.

Nel Dos Santos