La edición anterior cuntó cola participación de 27 llagares, faciéndose col primer puestu por segundu añu consecutivu Sidra Roza

La Fundación Asturies XXI cola collaboración de la revista LA SIDRA entamen ca añu un concursu pa escoyer la meyor sidre sobre la madre, ensin trasegar y recién salío del tonel, la primer sidre del añu que s’espicha tradicionalmente pente marzu y abril.

Esti ye l’únicu concursu que valora sidre d’estes característiques en tol país, y con elli pretenden poner en valor esta variedá de sidre, que tuvo a piques d’esapaecer por mor de la industrialización de los llagares y la práutica cuasique sistemática del trasiegu.

La sidre ganaor sedrá la Sidre Oficial de la XIII Primer Sidre l’Añu, que se cellebra del 28 al 31 de marzu n’allugamientu entá por definir por mor de la indecisión y falta rempuesta del Ayuntamientu de Xixón, mercándose-y mil euros en sidre pa poner a disposición de los asistentes a la que se conoz comu la mayor espicha’l país.

Les tasties y deliberaciones del xuráu que tará presidíu por Manuel Busto, tendrán llugar na Montera Picona de Ramón, sedrán abiertes al públicu y una bones fináu’l concursu podrán probase les sidres finalisteS.

Llucía F. Marqués

This work is licensed under a Creative Commons Attribution 4.0 International License.