El cantante Carlos Rubiera, autor pente munchos otros del popularísimu canciu ‘La Capitana”, rializará el xueves 28 de marzu el pregón col que se nagurará la Primer Sidre l’Añu, entamá pola Fundación Asturies XXI en collaboración cola revista LA SIDRA
La XIV edición de la Primer Sidre l’Añu tendrá un pregoneru d’esceición, Carlos Rubiera, que darréu’l pregón interpretará pa los asistentes a la PSLA dalguna de les sos canciones más conocíes.
Carlos Rubiera (Xixón, 1957), cantante, compositor, escritor miembru de l’Academia de la Llingua Asturiana, fundador y Presidente de la Fundación Almastur, cofundador del Partíu Asturianista, de la Asociación de Intérpretes de la Canción Asturiana y del Conceyu de Gaiteros Asturianos y ellaborador d’una escelente sidre casero, ye probablemente ún de los músicos más conocíos de la conocía como “Nueva Canción Asturiana” y autor d’un de los cancios más míticos de chigres y folixes, La Capitana. Con 13 discos nel so haber y cuasique 50 años de trayectoria, espublizó nel 2021 la obra que la resume “30 Asturianaes”, una triloxía de cd’s acompangaos por un llibru indispensable pa quien se precie de conocer la canción asturiana.
Pesia a la complicada situación provocada pola prohibición d’usar los espacios del Muséu del Pueblu d’Asturies en base a una llei del 2015 qu’enxamás nun s’aplicó, nin ye aplicable a la sidre nin a la cultura asturiana de la sidre, y que ta pendiente de resolución de Recurso de Alzada por parte de la Alcaldesa de Xixón, la Fundación Asturies XXI continúa preparando con ilusión esti eventu pol que tolos amantes de la sidre yá tan naguando.
Llucía F. Marqués
This work is licensed under a Creative Commons Attribution 4.0 International License.
