L’enérxicu dúu actúa con entrada llibre’l vienres 15 en Lata de Zinc(Uviéu) y el sábadu 16 en La Traviesa (L’Infiestu) acompañaos de sesiones de DJs
            
Dupla  son dos chavales d’Agurain (Álava) que faen música urbana dende un entornu rural. Dientro de la so propuesta hai lletrónica, rock, rap, reggaeton, pop… baille, llucha y amor y sobre manera actitú. 
Nun ye fácil etiquetar a esti dúu que tien dao más de 150 conciertos en tres años y que’l mes pasáu entamaron la so xira nueva en Xapón pa presentar el discu nuevu “De un pueblo llamado Agurain” .
Tres de la bona acoyida que tuvieron l’añu pasáu n’Asturies, agora repiten visitando Lata de Zinc el vienres 15 a les 21.30h -en compañía de DJ la Güeriata- y La Traviesa el sábadu 16 a les 21.30h -xunto a DJ Avante’l Pueblu-. Estes dos cites tienen entrada de baldre. 

Susana Sela

This work is licensed under a Creative Commons Attribution 4.0 International License.