Los vecinos de los llamaos “barrios del oeste” de Xixón piden el respaldu de la ciudadanía na Plaza Mayor esti llunes, mientres los sos representantes aconceyen cola alcaldesa Carmen Moriyón p’amosa-y la so refuga al vial de Xove en superficie

Un problema: el tráficu continúu de grandes camiones, pesaos, ruidosos y contaminantes, entrando pela cai Principe d’Asturies, pente viviendes, camín del Musel. Promeses de solucionalu, venti años d’estudios, propuestes de mayor o menor soterramientu del vial, munches perres, tiempu y enfotu invertios pa finar nun proyeutu de carretera, a cencielles, que parte en dos les parroquies de Xove y Veriña, afeutando a 150 viviendes y una residencia d’ancianos, creando otra fienda urbanísitica d’altu impautu acústicu y contaminante; ello ye, desplazand0’l mesmu problema un pocu más pallá.

Los vecinos ya anunciaron movilizaciones y mañana mesmo a les once la mañana aconceyará l’alcaldesa colos representantes vecinales de Xove, La Calzada, El Natahoyo y Veriña. Al mesmu tiempu habrá una concentración ciudadana na Plaza’l Conceyu, sofitando a los vecinos de la zona Oeste. 

Nel Dos Santos

This work is licensed under a Creative Commons Attribution 4.0 International License.