El Tribunal Supremu adminió’l recursu de casación que presentaron los afectaos ya va dos años y emplázase pa deliberar la cuestión el prósimu 18 de xunu.
Les Seis de La Suiza tienen, por fin, rempuesta al recursu de casación presentada nel 2022 contra la sentencia que los conderga a un total de 25 años de cárcele por defender a una emplegada de la ya presllada Pastelería La Suiza, nel añu 2017; El Supremu admite’l recursu y estudiará la so situación.
Malpenes un diez por cientu de los recursos presentaos al Supremu son admitios a trámite por esti desixente tribunal, lo que da un rayín d’esperanza (tampocu muncha, son escépticos no que cinca a la Xusticia) a los condergaos pol casu de La Suiza.
El so llabor espardiendo, non solo el so casu, sinón en xeneral la represión sistemática del sindicalismu, ye dende l’entamu una amuesa del compromisu por parte de les condergaes por defender, de manera llegal y pacífica, a una trabayaora en situación d’acosu y abusu llaboral.
Alberto Rodríguez
This work is licensed under a Creative Commons Attribution 4.0 International License.
