Colos cinco proyectos de Sistema d’Almacenamientu d’Enerxía en Bateríes recién espublizaos nel Bopa son ya 27 los parques en tramitación. De los 5 nuevos parques, 1 va en Les Regueres, 4 n’Uviéu, 3 en Los Arenales y 1 en La Corredoria.
Desde la Coordinadora Ecoloxista reclamen una ordenación territorial bien diseñada de los BESS, “estes instalaciones nun pueden quedar en manes de los intermediarios llétricos nes zones rurales por mor del impactu que conlleven”. Denuncien tamién que los vecinos nun son avisaos con antelación, pesi a tar proyectaos a pocos metros de núcleos urbanos o de viviendes, cola fuerte contaminación llectromagnética pa la vecindá, qu’amonta’l riesgu de lleucemina n’adultos ya’l cáncanu de mama o cerebral. Los principales riesgos a los que se enfrenten los BESS son les fugues térmiques, causaes por a una separación insuficiente ente les bateríes.
Poro, piden a les administraciones un estudiu de los posibles impactos ambientales asociaos a estes instalaciones, asina comu de la posible acumulación d’impactos o los efectos enerxéticos producios como consecuencia delos sos allubamientos. Amás, recalquen qu’hai que tener en cuenta, pola natura mesma d’esta tecnoloxía, l’ellevaísimu impautu que tendríen en casu d’incendiu.
Reconocen tamién l’impautu positibu d’estes bateries, necesaries pa la transición a un sistema enerxéticu caltenible, pero consideren crucial la execución d’un estudiu d’ordenación d’estos proyectos “Cola mirada puesta nun futuru caltenible y basau n’enerxía eficiente”, que los incluya nos planes urbanísticos y busque pa ellos allugamientos allonxaos de les viviendas, zonas protexies y d’altu riesgu.
Agora mesmo esisten proyectos pa varios conceyos asturianos como los de Salas, Salime, Siero (4 parques), Llanera (2), Mieres, Cangues, Uviéu (7), Avilés (2), Corvera, L.lena, Colunga, Villaviciosa, Soto Ribera y Les Regueres. Na so mayoría, ubicaríense sobre suelu agrícola alterando la coherencia visual del entornu.
Alberto Rodríguez
This work is licensed under a Creative Commons Attribution 4.0 International License.
