La Confederación Hidrográfica del Cantábricu abre un espediente sancionador al Conceyu d’Ayer pola xabaz balta del monte de ribera del ríu San Isidro al altor de Felechosa
La denuncia de la Coordinadora Ecoloxista énte l’actuación realizada en Felechosa, onde se desanició tola vexetación esistente nun ampliu tramu del ríu, baltando tou árbol: humeros, salgueros, chopos, etc. xuntu con tol so sotobosque, recibió nel so momentu dures crítiques per parte de vecinos que s’asitiaron a favor del Ayuntamientu contra tou argumentu y qu’agora ven que efectivamente esistió delitu al estropiar un ecosistema riberanu de gran valor natural y que ta reconocíu na normativa ambiental correspondiente, inclusive nel ámbitu européu al traviés de la Directiva de Hábitats.
La Coordinadora llama tamién l’atención énte -yos actuaciones urbanístiques realizaes nel pasáu na redolada de los ríos, “onde se realizaron xuna ordenación y construcciones desaparentes, xuna práctica desgraciadamente habitual y que en Felechosa inclúi una ponte que torga’l fayadizu desaguadoriu en momentos de grandes riaes y que se debería considerar el reformalo” aportunando en que “Son munches vegaes estes actuaciones urbanístiques desaparentes, onde tamién s’invaden los marxes de los ríos con construcciones, les que munches vegaes xeneren los principales problemes nes riaes”.
Nel Dos Santos
This work is licensed under a Creative Commons Attribution 4.0 International License.
