Parte metereolóxicu  del 12 de mayu

Bonos díes, bona xente.

Paezme importante ya interesante informar del avisu que llanzaba ayeri la NOAA, la aministración nacional océanica y atmosférica de los Estaos Xunios que prediz otra tormenta xeomagnética G5 pa güei. Y ye que’l sol ta mui activu y nes pasaes xornaes yá mos llanzo otra tormenta estrema faciendo que se vieren aurores boreales en llatitues mui baxes.

L’efeutu que pue tener sobre la Tierra pue llegar a ser mui grave porque daña a los satélites, poro a les comunicaciones, (caides d’internet, fallo mos teléfonos móviles y sistemes de radiu).

Si la cosa se pon fea, pue dañar tamién a les redes elléctriques, concretamente a los trasformadores d’elléctricidá provocando cortes nel suministru y sobretensiones na red, fadiando tolo que te enchufau a élla. Hai paises que se tomen mui en seriu esta posibilidá y tienen planes activaos pa estos casos, parar a pensar qu’ocurriría si quedaramos sin elléctricidá durante varies selmanes.

La parte bona ye que sus efeutos nun se darien en tol mundu, onde coyera la tormenta de nueche nun afectaría pa nada, sicasí al vivir n’un mundiu globalizáu si que tendría efeutos económicos.

Como referencia más extrema tenemos una tormenta solar nel añu 1859 conocida tamién como eventu Carrington, pero si vos pica la curiosidá navegar peles redes qu’hai muncha información sobre esti tema.

Que paséis un bon domingu collacies ya collacios, seguimos en contactu.

This work is licensed under a Creative Commons Attribution 4.0 International License.