Visita Xixón presenta los atractivos de la ciudá ente más de 70 turoperadores procedentes de diecisiete países europeos.

 Una representación de Visita Xixón va afayase del 21 al 23 de mayu en Toledo pa participar nes Xornaes Inversas de Sofitu a la Comercialización del Turismu Español pa los mercaos d’Europa, eventu entamáu por Turespaña.

Va ser un alcuentru de destinos españoles con turoperadores europeos propuestos poles diferentes oficines de turismu. Concretamente, van ser 74 turoperadores procedentes de Francia, Bélxica, Reinu Xuníu, Serbia, Suecia, Rumanía, Eslovaquia, Portugal, Polonia, Países Baxos, Noruega, Italia, Irlanda, Grecia, Alemania, Finlandia y Dinamarca.

El Plan Estratéxicu de Visita Xixón inclúi ente los sos oxetivos incrementar el turismu procedente del estranxeru y centra los esfuercios nos mercaos de Francia, Países Baxos y Bélxica, que cunten con conexones buenes y estables con Asturies. Amás, estes aiciones tan empobinaes a promocionar una ufierta de mayor valor añadío, tanto económico como social, y a captar turistes con un gastu medio elevao, sofitando asina la comercialización de productos y servicios d’alta calidá.

Ángela Pumariega, vicealcaldesa de Xixón y conceyala d’Economía, Emplegu, Turismu y Anovación: “pa Xixón tien relevancia especial la participación n’eventos d’esti tipu, ya que l’incrementu’l turismu internacional ye  Alberto Rodríguezún de los oxetivos principales de la nuestra estratexa pa esti mandatu. Ye ún de los segmentos de visitantes que más xube nel nuestru conceyu y creemos, amás, qu’entá tien munchu marxe de crecimientu, sobre manera porque ye un turismu que se distribúi muncho más regularmente a lo llargo l’añu que’l nacional. Poro, ñaguamos por qu’estes aiciones de promoción nos ayuden tanto a desestacionalizar el turismu como a afitar Xixón como referente de destín de calidá.

Llucía F. Marqués

This work is licensed under a Creative Commons Attribution 4.0 International License.