Depués de tres años d’inactividá el Conceyu Repunantes fae un llamáu a los sos socios p’algamar más presencia y repunancia nel díi ente díi
El prósimu vienres 24 de mayu va celebrase un nuevu Congresu Nacional de Repunantes, el novenu dende la formación na que militen les persones autodenominaes comu les más repunantes d’Asturies, revindicando una forma de ser fondamente arraigoñada na cultura asturiana y cuyu tresfondu ye enforma abegosu de pescanciar pa quienes nun conozan en primer persona la repunancia.
La cita sedrá nel restorán Casa Nuevo, en Piarnu (conceyu Castrillón), onde aconceyarán de magar les 21:00 hores a esfrutar d’un bayurosu menú y a ponese al dii “en tolo que cinca a la repunancia ya’l país de nueso”. Ye d’esperar que d’esti conceyu salga nomáu el o la Repunante d’Honor, ya que’l caberu nomamientu tuvo llugar nel 2021, cuando se concedió talu reconocimientu a D. Xuan Nel Gonzali; ún los creadores del Congresu Repunantes y reconocíu militante activu de la repunancia.
Los organizadores achaquen la llarga demora a “la galbana de cuasi toos y la inactividá de munchos que llevó a que dexemos de tar en contautu col resto repunantes. Por ello, nesti nuevu congreso, sí o sí, tienen de salir les ganes p’algamar más presencia ya más repunancia nel di a di pente tolos asturianos ya foriatos que-yos preste”.
A la cena pueden asistir socios y non socios del Conceyu Repunantes, siempres que ten dispuestos a repunar con enfotu y reserven mesa.
Alberto Rodríguez
This work is licensed under a Creative Commons Attribution 4.0 International License.
