La formación nacionaliega asturiana xune les sos fuercies a soberanistes de tol estáu y pide’l votu p’Agora Repúbliques como “una alianza comprometía cola defensa de los drechos sociales y llaborales, con un modelu de sociedad solidariu, feminista, abiertu, ecoloxista y democráticu, pa defender y conquistar tolos drechos como persones y como pueblos”.

Los soberanistes del estáu español tornen a xuncir fuercies pa estes elleiciones na coalición Agora Repúbliques, depués de que nes anteriores elleiciones ganaren tres eurodiputaos y col enfotu de meyorar esa cifra.

La participación al traviés d’esti sistema de coallición permitió nun pasáu que miembros d’Andecha Astur s’aconceyaren en delles ocasiones colos comisionaos europeos y presentaren nel Parllamentu Européu cuestiones comu la contaminación ambiental asturiana, la represión llingüística, asina comu presentar ante la OLAF  (organismu de control del fraude de los fondos europeos) los fraudes del Musel y de los Fondos Mineros. Otres cuestiones trataes gracies a la collaboración con Agora Repúbliques foron la desixencia de proteición del prerrománicu asturianu, asina comu reclamar l’atención sobre dellos conflictos llaborales asturianos. Tamién permitió participar activamente nos alderiques sobro’l fracking y eólicos, posicionándose a la contra d’esta triba d’istalaciones n’Asturies, 

Nesa formación converxen, amás d’ ERC, EH Bildu, BNG y Ara Més como cabezaleros visibles del movimientu,  formaciones soberanistes d’Asturies (Andecha Astur), Aragón, Canaries,  (Ahora Canarias), Aragón (Puyalon) y la Comunidad Valenciana (Esquerra Valenciana), que pidieron nun actu conxuntu el votu pa la coalición y roblaron un manifiestu pa simbolizar esta xunidá, col llema “Pola democracia, los drechos y les llibertaes”.

Los partios firmantes defenden el drechu a la autodeterminación “comu motor d’una Europa de naciones llibres ya iguales”, al tiempu que reivindiquen “la fortaleza y el puxu de la llingua y la cultura de los nuesos países” y “un estáu del bientar que garantice oportunidaes y drechos”.