Dientro de la llarga llista de despropósitos achacaos a la Ca’l Conceyu Illense, qu’incluín denuncies por prevaricación, desinformación de servicios municipales y discriminación llingüistica, súmase agora una denuncia a un emplegáu municipal por insultos ya menacies.
L’acusáu, conocíu comu “Juanra” y del que se desconocen pol momentu más datos identificativos, recibió ya dos denuncies por insultos ya menacies graves a un ciudadanu. L’afeutau afirma nun conocer al trabayador municipal más que por mor de les sos frecuentes visites al Ayuntamientu pa interponer denuncies polos incumplimientos d’esi órganu alministrativu, polo que nun comprende la inquina que manifiesta “Tócame entrugar si esto ye una estratexa del alcalde pa intentar torgar que puea averame,
con tranquilidá, fasta la Ca’l conceyu, onde cuasi tolos dis teo que presentame pa facer denuncies
ya incumplimientos d’esta alministración; o, pol contrariu, ye cosa del emplegáu municipal. De lo
primero, nun teo dulde denguna. De lo segundo estráñame, yá que yo nunca nun
falé denguna palabra con esi empleáuya, por ello, esmolezme que, esin tener problemas con elli, salga, de sópitu, a insultame ya menaciame” declaraba el denunciante, que s’entruga qué va ser lo siguiente, viendo’l camín que lleva la so relación col consistoriu.
Por tou ello, llama al alcalde d’Illas, Fernando Alberto Tirador Martínez a facese responsable de lo qu’ocurre nel so Ayuntamientu ya solicita que se-y informe acerca de les aiciones que se tomen al respeutu, ello ye, si hai o va haber espediente al trabayador o al menos si recibio una llamada d’atención pol so comportamientu.
Nel Dos Santos
This work is licensed under a Creative Commons Attribution 4.0 International License.
