L’escritu recueye una interpretación revesosa de la Llei d’usu y promoción, una clara intención represora y l’absolutu despreciu a los drechos de los ciudadanos

Estes situaciones desapaeceríen con reconocer la oficialidá del asturianu.

Fernando Alberto Tirador Martínez, alcalde d’Illas por IU, torna a la carga na so asturifobia declarada, dando como rempuesta la refuga a un escritu presentáu n’asturianu por un vecín “Visto que el asturiano carece de la condición de idioma cooficial en esta autonomía” faciendo una interpretación personal y restrictiva de la citada llei.

La Llei 1/1998, de 23 de marzu, d’usu y promoción del bable asturianu, ye una llei vixente que regula los drechos de los ciudadanos a utilizar l’asturianu y l’obligación de l’alministración a faer qu’estos drechos se cumplan. Foi aprobada pola Xunta Xeneral del Principáu d’Asturies y espublizada el 23 de marzu de 1998. Nel so Capítulu II, artículu cuartu, recuéyese’l drechu a utilizar l’asturianu en comunicación oral o escrita cola alministración pública. Esta llei ta reforciada poles nueves direutives aprebaes esti añu, que si bien allonxen muncho de la oficialidá, dexen bien nidio la obligación de les alministraciones asturianes -toes elles- de facilitar les comunicaciones n’asturianu.

Susana Sela

This work is licensed under a Creative Commons Attribution 4.0 International License.