Yá son 100 empreses de Xixón les que llucen esti distintivu que valora la identidá de la marca, el grau de satisfaiciónaltuqu’amuesen los sos veceros y el númberu eleváu d’actividaes y talleres que coordina, que permiten a xixoneses y turistes averase a la cultura y realidá asturiana d’una forma participativa y didáutica.
Javier Ruiz-Cuevas, presidente de l’Asociación Mercáu Artesanu y Ecolóxicu recoyó’l distintivu Compromisu de Calidá Turística en reconocimientu a la so implicación cola calidá y l’ameyoramientu continuu, averando a turistes y xixoneses a la cultura y tradición asturianes d’una manera “didáutica y participativa”.
Conello, esta entidá xúnese al conxuntu de 100 empreses y servicios de Xixón qu’apuesten pola calidá y llucen el sellu Compromisu de Calidá Turística, promovíu pol Ministeriu de Turismu.
El Mercáu suma esti distintivu Compromisu de Calidá Turística a otres menciones y premios qu’algamó: Premiu Xixón Ciudá Abierta, Actividá d’Interés Turísticu del Principáu d’Asturies, finalista de los Premios Nacionales d’Artesanía 2016, Mención Honorífica XI Premios Europeos de la Prevención de Residuos… Estos reconocimientos ponen en valor l’ésitu algamau por esta iniciativa.
Alberto Rodríguez
This work is licensed under a Creative Commons Attribution 4.0 International License.
