Sindicalistes de tol estáu vienen el sábadu 15 de xunu a un manifestamientu convocáu pola CNT pa reclamar l’absolución pa les 6 de La Suiza

El 18 de xunu la Sala de lo Penal del Tribunal Supremu aconceya pa revisar el casu de les 6 de LaSuiza nuna vista que va presidir el xuez Marchena, el mesmu que’l del Procés, na que van dirimir sobre’l casu, que  s’espera que quede llistu pa sentencia que saldrá pa depués del branu.

Tres dies anantes ta convocau un manifestamientu que s’espera multitudinariu p’amosar que cuando se trata de defender drechos, somos muncho más que seis. Pa la ocasión aportará xente de tol estáu, con autobuses de baldre dende dellos puntos, comu Euskadi, Madrid, Valladolid o Zaragoza.

La salía ye a les 12 de delantre la Casa Sindical y la marcha aportará hasta l’Ayuntamientu de Xixón. Depués habrá xinta popular y actuaciones del Coru Antifacista Al Altu la lleva y de Nacho Vegas, na mesma Casa Sindical.

Susana Sela

This work is licensed under a Creative Commons Attribution 4.0 International License.