Los alquileres de vivienda en Xixón subieron un 16% nun añu. Los alquileres vacacionales ronden los 800 euros selmanales. Noticies que se pescancien meyor xuntes.
El mercáu d’alquiler xixonés ye’l más caru d’Asturies, con una renta mensual media que ronda ya los mil euros mensuales y una subida del 4,56% namás nel mes de mayu.L ‘inmueble más baratu n’alquiler llegal agora mesmo na ciudá, acordies la web Idealista.com, ye un pisu de 25 metros cuadraos n’El Llano, por 390 euros.
La demanda ye alta, la oferta escasu y los precios xorrecientes. Les condiciones non solo son complicaes no que cinca al preciu, los requerimientos de los propietarios son ca vuelta mayores (nómines, fiances…) lo que dificulta enormemente l’accesu al mercáu de vivienda d’alquiler a les persones en situación de mayor vulnerabilidá. Cualquier perceutor d’IMV nun puede acceder a vivienda, primero porque implicaría más o menos el 90% de los sos ingresos y segundo porque denguna inmobiliaria va aceutalu.
Entantu, los alquileres vacacionales siguen subiendo de preciu. Un alquiler de 500 € al mes da, casu que nun haiga impagos, 6.000 euros al añu. Un pisu pal turismu (llegal o non) da más de 9.000 en tres meses.¡ ¿Quién va alquilar un pisu a un preciu normal tol añu cuando puede sacar más en tres meses de branu?.
Nel Dos Santos
This work is licensed under a Creative Commons Attribution 4.0 International License.
