Indignación ante los retrasos de tres años nos pagos de les aides al alquiler por “perder los espedientes” “Lo mínimo que se-y puede pidir a una administración ye que seya eficiente” dicen dende Andecha Astur
El Principado tien ayudes al alquiler ensin pagar dende 2021 porque “los espedientes taben perdios”. En total foron 302 les pidiciones que casualmente atoparon ensin tramitar, de les que 139 foron denegaes. Nun ye la única ayuda que ta nel aire, parte de les sovenciones pa plaques solares en vivienda siguen ensin abonar de magar el 2022, la ayuda energética ta pendiente va dos exercicios y la ayuda a la dependencia lleva cuasi un añu de retrasu nes tramitaciones, pente otres.
P’Andecha Astur ya ye un problema que l’accesu a vivienda nun te garantizau y que’l drechu a un llugar dignu pa vivir e venceyáu a la consecución, o non, d’unes ayudes. Sicasí, una bones que l’alministración nun ye quien a que los salarios algamen pa pagar unos alquileres razonables y decide remendar la situación con ayudes, nun ye de recibu que pasen los años ensin faceles efeutives. “Que’l ‘Principado’ tea pendientes ayudes al arrendamientu de pisos dende 2021 supón qu’hai families que tan pasándolo mal tolos meses pa facer frente a unos gastos que tendríen que tar cubiertos pola alministración” reclamen dende la organización nacionaliega, que destaca la ineficiencia d’un sistema capaz de “perder” una documentación de la que depende que persones tengan onde vivir.
![](https://www.infoasturies.com/wp-content/uploads/2020/01/banner-INFOASTURIES.jpg)
This work is licensed under a Creative Commons Attribution 4.0 International License.