Denuncien que la Conseyera de Transición Ecolóxica Nieves Roqueñi mintió na Xunta Xeneral al dicir que “nun hebio nin una sola autorización pa l’almacenamientu de bateríes n’Asturies”

De fechu, dos de los parques proyeutaos foron autorizaos pola so Conseyería, un en Salas y otru en Siero, desoyendo les allegaciones presentaes dende la Coordinadora Ecoloxista. Agora mesmo esisten 38 proyeutos en tramitación pública nos conceyos de Salas, Salime, Siero, Llanera, Mieres, Cangues, Uviéu, Avilés, Corvera, L.lena, Colunga, Villaviciosa, Soto Ribera, Regueres, Piloña, Xixón, Candamo y Gozon. En total son 70 a trámite qu’almite la conseyería, polo que hay otros 32 de los que desconocemos ubicación y capacidá.

Dende la Coordinadora desendolquen un fuerte llabor d’información y prevención, alertando a los vecinos de los pueblos cercanos a los llugares nos que se quieren instalar parques de bateries, subsanando’l secretismu col que’l Principado y los Conceyos de mueven a la d’avanzar nestos proyeutos d’istalaciones llétriques, xeneralmente allugaes a escasa distancia de les viviendes, que careceríen una fuerte contaminación lleutromagnética casu de llevase a cabu la istalación.

De los 38 proyeutos públicos que se conocen, namás tan en zona industrial ocho, tres n’Uviéu, dos en Xixón, ún n’Avilés, otru en Mieres ya’l caberu en Llanera; los trenta restantes tan en zona rural, confiando en que la desinformación y la escasez de vecinos permitan la so puesta en marcha ensin protestes. L’allugamientu de los sistemes d’almacenamientu d’enerxía en bateríes ta plantegáu mayormente sobre suelu agrícola, seique tendría más xacíu en zones industriales non habitaes, una bones esposición escesiva a campos lleutromagnéticos aumenta el riesgu de lleucemia n’adultos, cáncanu de mama o celebral, afeutando por igual a homes y muyeres y siendo igualmente dañino pa la fauna de la rodiada.

Per otru llau, los riesgos que suponen esta triba d’istalaciones en casu d’acidente tien consecuencies irreversibles de descomanada gravedá, tantu pal mediu ambiente comu pa la salú humana, con altu riesgu d’incendios. 

Alberto Rodríguez

This work is licensed under a Creative Commons Attribution 4.0 International License.