Solidaridá coles Seis de La Suiza

16 Xunu, 2024

Les amueses de solidaridá nun apararon nel manifestamientu, sinón que se vieron pancartes de sofitu a les 5 de La Suiza per dellos puntos de la xeografía asturiana y recibiéronse mensaxes d’ánimu dende abondos llugares del estáu

Miles de persones percorrieron na mañana d’ayeri les cais de Xixón en defensa de la llibertá d’aición sindical y en sofitu a les seis sindicalistes de la CNT condergaes pola defensa d’una compañera.

L’orixe del conflictu fue un casu d’acosu llaboral contra una trabayadora de la pastelería que llegó a ver incluso peligrar el so embarazu por culpa de los abusos nel trabayu, una situación que denunció la CNT y que finó nos tribunales, pero con una conderga contra parte de los trabayadores que defendieron a la víctima manifestándose frente al llocal de La Suiza, que finó por presllar les sos puertes, non ensin anantes denunciar a les sindicalistes.

Les aiciones de sofitu ya’l apoyu social foi constante dende’l primer momentu, siendo continues les movilizaciones reclamando l’absolución, pero nesta ocasión recibieron tamién el respaldu de los sindicatos mayoritarios, que se sumaron a la marcha por primer vegada, declarando que “ta en xuegu el movimientu obreru, el movimientu sindical, polo que tenemos que tar toos a una”. Sicasí, la inmensa mayoría de los manifestantes pertenecíen a la CNT, sindicatu convocante que traxo incluso dellos autocares d’otres partes del estáu.Darréu el manifestamientu tuvo llugar un conciertu solidariu cola participación de Nacho Vega, el Coru L’Altu la lleva y Leticia, de L-R Folk.

El tribunal supremu, col xuez Manuel Marchena al frente, decidirá si absuelve a les 6 sindicalistes de la CNT o se reafirma en la condena de cárcele de tres años y mediu cauna impuesta por un xulgáu de lo penal y ratificá pol TSXA. Les seis condergaes confien n’algamar l’absolución del Tribunal Suprem, una bones la via llegal ta cuasi esgotada.