Entama la cuarta edición de Conciertos Imposibles, tres díes de proyeiciones que recueyen los conciertos más míticos de los pioneros del punk: Sex Pistols, The Clash y Ramones
Conciertos Imposibles ye una iniciativa de CortoGijón y Tsunami Xixón, en collaboración cola Fundación Municipal de Cultura. Esti eventu, de baldre, esfrutaráse’n Xixón del 17 al 19 de xunu na Escuela de Comerciu, rindiendo tributu a los icónicos del xéneru musical más irreverente y con más fuercia de la hestoria, recuperando grandes conciertos y momentos históricos de la música.
Les proyecciones van realizase nel Salón d’Actos de la Escuela de Comerciu de Xixón de magar les 20:00 hores.
L’eventu entama’l llunes 17 de xunu cola presentación de dos conciertos de The Clash en Londres y Manchester de 1977, l’añu en que la banda llanzó’l so primer álbum nel que flundía punk con reggae, ska y rockabilly, creando un soníu únicu de la que defendía la igualdá y la xusticia social.
El martes, 18 de xunu sigui con otros grandes del xéneru, los Sex Pistols, dedicando la xornada a la intensa xira de los Sex Pistols per Estaos Xuníos en 1978.
Pon el ramu la xira “It’s Alive” de los Ramones, consideraos los pas del punk rock. Dende Nueva York, col so soníu rápidu y lletres simples, los Ramones inspiraron a toa una xeneración.
Nel Dos Santos
This work is licensed under a Creative Commons Attribution 4.0 International License.
