Tres de delles movilizaciones vecinales y ecoloxistes, el Conseyeru d’Ordenación de Territoriu, Urbanismu, Vivienda y Drechos Ciudadanos, Ovidio Zapico, garantizó ante cuasi una centena de vecinos de Candamo, Illas y Les Regueres, la distancia de los parques de bateries
El compromisu del Conseyeru ye que’l decretu que regulará los criterios pa la istalación de parques de bateríes garantizará una distancia de seguridá con núcleos rurales, cases disperses, masas forestales y ganaderíes. La promesa, por agora verbal, foi fecha nun conceyu que tuvo llugar el pasáu domingu en Ventosa (Candamo) con vecinos de los conceyos onde hai interés empresarial por istalar estos peligrosos almacenes d’enerxía.
El decretu, nel que trabayen en coordinación cola Consejería de Transición Ecolóxica, Industria y Desendolcu Económicu, tará llistu para les caberes selmanes del añu. Nelli supónse que se recoyerá qu’estes istalaciones son una actividá industrial y, como tal, tien d’allugase en suelos industriales y caltener una distancia de seguridá con cases dispersas, núcleos de población, mases forestales y esplotaciones ganaderes.
Sicasí, el Conseyeru nun fala de prohibición, sinón que diz que’l decretu recoyerá “recomendaciones” pa l’allugamientu d’estes instalaciones. Amás, el so comentariu de que “100 metros ye una distancia de seguridá claramente insuficiente” fae temer a los vecinos que se quieran aceutar distancies de menos de 500 metros como suficientes.
Nel Dos Santos
This work is licensed under a Creative Commons Attribution 4.0 International License.
