La concentración, que se cellebra ca primer llunes de mes en refuga de la violencia contra les muyeres, denunciaba los seis asesinatos machistes d’esta fin de selmana
Plaza La Escandalera, Uviéu. Comu ca primer llunes de mes les Muyeres de La Escandalera aconceyen baxo’l llema “¡Basta ya! El machismu mata” a mediu centenar de persones pa denunciar la violencia contra les muyeres, en xeneral, ya en concretu esta selmana, la tarrecible fola d’asesinatos machistes que llevó per delantre la vida de seis muyeres nel estáu.
Foi nesi ambiente de raxón y tristura cuando apaeció un avezáu y conocíu axitador antifeminista faltando y atacando a les aconceyaes, al tiempu que les grababa col so movil, prevocando ya tratando de xenerar una rempuesta violenta. Nun ye la primer vegada qu’esto ocurre, lo mesmo nestes concentraciones que nes que tienen llugar en Xixón el caberu miércoles de mes frente a la Gota Llechi y como ye tamién avezao la policía entardó un ratiquín en retiralu de la plaza.
Una bones los cuerpos de seguridá retiraron a esti personaxe de La Escandalera, esti despidióse d’ellos con evidente ciñu, saludando con un gayasperu “tranquilos, camaradas” de la que colaba.
Llucía F. Marqués
This work is licensed under a Creative Commons Attribution 4.0 International License.
