El proyeutu d’esta empresa teunolóxica permite recuperar la capacidá d’andar a persones con discapacidá nos miembros inferiores
El proyeutu de Loutkar Robotics sitúase pente los siete finalistes d’ente los más de 600 aspirantes que se presentaron a los premios eAwards, los más importantes n’emprendimientu teunolóxicu. Los siete finalistes tan basaos en teunología de cabera xeneración y ufren soluciones anovaores pa la meyora de la calidá de vida.
L’asturiana Loutkar Robotics trabaya la biomecánica, diseñando y desendolcando soluciones esomusculares qu’ufren la posibilidá de caminar a persones discapacidá nel tractu inferior al traviés de dispositivos de teunoloxía robótica que yos permite rehabilitase y caminar. .
La final de los eAwards España, entamaos por NTT Data Foundation y que lleven 23 ediciones premiando l’emprendimientu teunolóxicu, cellebraráse en Bilbao el prósimu mes de setiembre. El premiu ta dotáu con 20.000 euros a fondu perdíu y l’accesu a un programa personalizáu d’aceleración pa impulsar el so negociu. Amás, el proyeutu escoyíu participará na gran final de los Global eAwards xunto colos ganadores de dellos países europeos y sudamericanos por un premiu qu’algama los 100.000 euros.
Llucía F. Marqués
This work is licensed under a Creative Commons Attribution 4.0 International License.
