La Plataforma Asturies pola Sanidá Pública y los vecinos reclamaron ante la Ca Conceyu la nulidá de la modificación del Plan Xeneral d’Ordenación Urbanística de Xixón que permuta los terrenos públicos de Nuevu Roces ya incumple una bona riestra de cuestiones llegales

Ayer finalizaba’l plazu de presentación d’allegaciones contra la modificación por vía d’urxencia del Plan Xeneral d’Ordenación Urbanística de Xixón (PXOU). Con esa modificación el Conceyu quier convertir 32.000 metros de suelu dotacional públicu  nel barriu del Nuevu Xixón pa permutales por otres allugaes en Cagüeñes, cola escusa de que son necesaries pa les obres d’ampliación del hospital.

Los vecinos vense asina privaos del usu d’unos terrenos que tendríen de destinase al so beneficiu (parques, biblioteca, equipaciones esportives, zones d’arruelu…) en beneficiu d’una empresa privada que, de fechu, redactó ella mesma les condiciones y adecuaciones de les parceles en Nuevu Xixón.

Los vecinos entienden que la Ca Conceyu nun vela pol interés públicu y amás ta incumpliendo la llexisllación vixente en dellos puntos. Per un llau, l’alcuerdu de permuta robláu cola empresa IDCQ
Gijón S.L., ya que la permuta tien de ser el caberu procedimientu pa qu’un Ayuntamientu se faiga con terrenos particulares, y anantes de llegar a esi puntu tien d’intentase la subasta y la espropiación, cuestiones que nin se plantegaron.

Pel otru, les condiciones pa la modificación y adecuación de les parcelas del Nuevo Xixón, foron redactaes pola propia empresa privada que quier facese con eses parcelas públiques p’afitar un negociu privau. Nelles tolos condicionantes medioambientales se trátense tanxencialmente, pesi a la emportancia que tien el tratamientu de los residuos d’un cientru sanitariu, másime tando en zona urbanizada ya en xorrecimientu.

Finalmente, denuncien, ye contrario a llei l’aplicar el calter d’urxencia a la modificación del PXOU ensin más xustificación que l’interés d’una empresa privada. En tou ello vese la man privatizadora de la sanidá que busca favorecer a los hospitales públicos perriba los cientros privaos.
Por toos  esos motivos la plataforma Asturies pola Sanidá Pública cellebró ayeri una concentración na que mediu centenar de persones protestaron pola cesión de terrenos, revindicando una sanidá pública con recursos y la devolución de los terrenos a los vecinos. 

Alberto Rodríguez

This work is licensed under a Creative Commons Attribution 4.0 International License.