L’oxetivu d’esti conveniu ye la collaboración ente dambes partes pa la planificación y realización d’actividaes culturales y lliteraries nos sos ámbetos territoriales correspondientes.
L’Asociación Colegial de Escritores de España (ACE) y la Residencia Lliteraria Xixón acaben d’anunciar l’entamu de la so collaboración destinada a promover la lliteratura y fomentar la creatividá lliteraria. Esti alcuerdu, formalizáu’l pasáu 31 de mayu del 2024, representa un finxu significativu nos esfuercios de dambes organizaciones por sofitar a los escritores y arriquecer la cultura lliteraria dende distintos puntos de vista.
Pal siguimientu d’esti conveniu y de les acciones alcordaes, va constituyise una comisión integrada por representantes designaos por ACE y pola Residencia Lliteraria Xixón – Asociación Nial Cultural.
L’alianza entre ACE y la Residencia Lliteraria Xixón céntrase en dellos oxetivos clave, comu son el fomentu de la escritura, la promoción de la llectura ya’l sofitu a escritores, pa lo que desendolcarán actividaes comu talleres, seminarios lliterarios, ciclos de llectura, presentaciones de llibros y convocatories de beques.
La collaboración entre ACE y la Residencia Lliteraria Xixón ta diseñada pa tener un impactu duraderu y positivu na comunidá lliterario y cultural. L’escritor Inaciu Galán, director de la Residencia Lliteraria Xixón, amosó la so allegría por esti alcuerdu que explió “va permitir buscar caminos conxuntos pal trabayu pola lliteratura y la creación na diversidá llingüística”.
Susana Sela
This work is licensed under a Creative Commons Attribution 4.0 International License.
