L’incrementu previstu del Productu Interior Brutu (PIB) n’Asturies va ser del 1,9%, frente al 2,5% que calcula pal conxuntu l’estáu el recién presentáu informe ‘Previsiones económiques pa les comunidaes autónomes 2024’.
La Fundación de Caxes d’Aforros (Funcas) prevé qu’Asturies sedrá el territoriu que menos medre del estáu nel presente añu. L’organismu destaca que ye un problema de sectores, Asturies escoyó nun apostar por “dengún de los sectores que s’espera que puxen pola economía esti añu”. Al tiempu, aquellos nos qu’Asturies tien más pesu, comu la producción d’enerxía van a pior. Asturies ye’l territoriu estatal que careció un mayor descensu nel so indiz de Producción Industrial, con un desplome del 7,8%.
Sosprendentemente y depués de tantos enfotos y perres puestes nello, l’informe de Fucas considera qu’Asturies nun tien un sector de servicios competitivu y que’l turismu nun va aportar el xorrecimientu económicu esperáu. Sicasí, alantren, la costrucción podría ser el sector más dinámicu esti añu n’Asturies.
L’estudiu tamién valora les perspeutives del mercáu llaboral. Nesi sen anuncien que la tasa de paru va baxar fasta’l 11% en 2024, pero non pol aumentu de trabayu, maticen, sinón pol descensu de la población activa. La tasa d’actividad d’Asturies continuará siendo la más baxa del país, con menos de la metá de la población -el 49’8- en disponibilidá pa trabayar.
Llucía F. Marqués
This work is licensed under a Creative Commons Attribution 4.0 International License.
