Depués de que los vecinos de la cai Victor Hevia d’Uviéu informaren del aniciu de la frada de los árboles de la so cai, la Coordinadora Ecoloxista d’Asturies unvia un escritu a la Ca Conceyu reclamando que s’apare darréu el procesu
Del un de marzu al trenta de setiembre ta desaconseyao esta operación, ya que non solo ye mal momentu pa los árboles y pa los ciudadanos -que queden ensin solombra metanes el branu- sinón, sobre tou, porque se trata d’un periodu sensible pa los páxaros por tar n’época reproductora.
La frada de les rames más frondoses dexen desabellugaos los ñeros, cuando nun los balten direutamente, dañando la puesta o la cria de munches especies de páxaru. Poro, piden que se paralice la frada intensivo que se ta faciendo fasta’l mes d’ochobre, que ye la fecha avezao pa esti llabor en fasteres urbanes.
Alberto Rodríguez
This work is licensed under a Creative Commons Attribution 4.0 International License.
