Cientos de persones acompangaron a les trabayaores de Vectalia na concentración que protagonizarondelantre la Ca Conceyu d’Avilés, reclamando que se cubran les baxes ya en defensa del drechu a Contratu Relevu.

La principal revindicación de les emplegaes de la empresa encargada de la llimpieza n’ArcelorMittal deriva de la sobrecarga de trabayu derivada de que la empresa de multiservicios nun cubre les baxes. El resultau ye que ca vuelta más trabayadores vense obligaes a garrar a la so vez la baxa, reventaes pol escesu de trabayu, agravándose ca vuelta más el problema. 

Denuncien la connivencia de l’acería cola situación “ArcelorMittal ye conocedora y consentidora de la situación, si Arcelor quisiese, esto solucionábase” declaraba Cristina Suárez, presidenta del comité d’empresa de Vectalia demientres la concentración de denuncia que tuvo llugar na mañana d’ayeri, tres de quince dies de fuelga indefinida.

Les movilizaciones ya entamaron dende’l primer díe de paru, cortando a primer hora de la mañá l’acesu a la fábrica a las 5 y media de la mañana pa reclamar los sos drechos.

Cuenten continuar cola fuelga lo que faiga falta porque lo que reclamen son, dicen “llinies colloraes” que nun puen consentise de denguna mena. La empresa, pel so llau, non solo nun ta dando rempuesta sinón qu’impón unos servicios mínimos abusivos. 

This work is licensed under a Creative Commons Attribution 4.0 International License.