El Muru de San Llorienzu, cola mar de fondu, foi nesta ocasión l’escenariu de la solidaridá del pueblu asturianu pa coles seis persones condergaes nel casu de La Suiza
La cadena, que llegó dende La Escalerona a la Escalera 7, tuvo llugar tres d’un aconceyamientu previu na plaza del Nauticu, con intervenciones nes que se destacó la desproporción de la conderga y la so finalidá “Esta sentencia tien un oxetivu claru: facer que’l mieu a la condena xudicial desactive la llucha sindical de las y los trabayadores y de les sos organizaciones de defensa. Quieren que se sepa que cualesquiera puede ser condenáu o condenada si se-y ocurre esixir los sos derechos, pidir la negociación d’un conflictu o protestar con aiciones sindicales, magar qu’estes aiciones seyan llegales dafechu”destacando la solidaridá cola que’l pueblu retruca a estes presiones “Pero, a estes altures, les 6 de La Suiza yá tienen el sofitu de miles d’asturianes y asturianos y
de la práutica totalidá de los sindicatos d’Asturies. Esta solidaridá manifiéstase, tamién, 
nes decenes de movilizaciones que vienen realizándose per tola xeografía del Estáu español, a convocatoria de numberoses organizaciones sindicales”.
Darréu, los cientos de presentes, portando globos naranxes, estendiéronse a lo llargo’l Muru, creando una llarga cadena humana de solidaridá y apurriendo información a les persones que pasaben perende.
Nel Dos Santos
This work is licensed under a Creative Commons Attribution 4.0 International License.
