Esti vertideru, con una capacidá de 11.187 metros cúbicos, tenía autorización pa cincu años a cuntar dende’l 2006, pero sigue n’activu
El Gobiernu d’Asturies tramita l’ampliación del vertideru de tierres procedentes d’escavaciones allugáu na llocalidá de Veranes (Xixón), que lleva cuasi 18 años furrulando en situación de precariedá llegal, con permisos caducaos y gracies a una llicencia d’Apertura d’Actividaes Clasificaes “Vertideru de Tierres Llimpies procedentes d’Escavaciones” emitida nel 2015 pol Conceyu Xixón, pero ensin la preceptiva autorización del Principado.
Dende la Coordinadora Ecoloxista d’Asturies denuncien qu’esta allegalidá vien dada pola precariedá ambiental notoria cola que se desendolca l’actividad d’esti vertideru, incumpliendo les condiciones básiques pa la so función.
Pente les irregularidaes que mencionen destaca’l fechu de que les llabores de rellenu y depósitu tan afectando al réxime hidrolóxico natural del alrodiu, como pue apreciase nel calce cercanu, enllenu de sólidos. Amás, resalten que ye un criaderu d’especies invasores, comu plumeros de la Pampa, que la empresa tendría de controlar, torgando la propagación. en el cauce cercano, lleno de sólidos.
Visualmente, la falta de pantalla vexetal y la falta de restauración de la zona rellenada representen un nidiu dañu paisaxísticu, ensin escaecer que nun cuenta col obligatoriu preslle perimetral con malla cinexética pa torgar acidentes de persones y animales que pasen pela zona.
Pa la CEA ye inaceptable que el Gobiernu d’Asturies y el Conceyu Xixón tean plantegándose ampliar los permisos d’esta instalación ensin facer cumplir l’actual normativa nin los mínimos ambientales p’amenorgar el so impautu “ye necesario que se subsane ensin demora l’incumplimientu de les condiciones básiques pa estos vertideros y se restaure la zona polos responsables”.
Nel Dos Santos
This work is licensed under a Creative Commons Attribution 4.0 International License.
