Desconozse la procedencia de los miles de pexes qu’apaecieron na sablera del Puertu Castrillón, que podríen provenir d’una muerte masiva o del descarte d’un barcu

Amas del dañu que suponen esos vertíos de materia orgánica y de l’alarma xenerada pente los bañistes pola descomanada arribada de pexes muertos, tres d’esti socesu soyaz un problema estructural de falta de control de los barcos de pesca, suponiendo, que sedría el casu menos dañín, que nun hubiere dengún vertíu y que fore un descarte. 

Dende xineru del 2019 tan prohibios los descartes de pesca, a efectos de conservación de la fauna marina. Sicasí, cuando se pesca un escesu de cuota nun ye la primer vez que nun se desembarca tol pexe capturao, sinón que se tira a la mar pa evitar les consecuencies de la pesca escesiva. 

Si la pesca nun se controla, estínguense les poblaciones y aparte del evidente dañu ecolóxicu, l’actividá pesquera fadráse económicamente inviable, polo qu’estos graves fechos tienen tres grandes perxudicaos; en primer llugar, obviamente, la fauna marina, en segundu, los bañistes y tercero, los vecinos de les sableres 

Nel Dos Santos

This work is licensed under a Creative Commons Attribution 4.0 International License.