El Pueblu Asturianu multiplicó les movilizaciones en defensa a les Seis de la Suiza de magar  que’l Tribunal Supremu refugó’l recursu, ratificando la sentencia condergatoria.

Les orielles del Piles, al pie de la entrada de la Feria Internacional de Muestres de Xixón (FIDMA) acoyeron la enésima reclamación de la ciudadanía asturiana pa que se yos devuelva integramente la llibertá y la inocencia a les seis persones condergaes por defender a una d’elles de los abusos del so emplegador, l’entós propietariu de la Pastelería La Suiza, ya en dificultaes económiques cuando ocurrieron los fechos, nel 2017, y agora presllada. 

Estes seis persones tan a piques d’entrar na cárcele  namás que por participar n’aiciones sindicales, buscar la negociación cola otra parte y una bones nun hai posibilidá d’esa via, protagonizar concentraciones -pacífiques- al pie de la empresa en cuestión. Una d’elles ta condergada simple y llanamente por falar, por cuntar el so casu, por buscar ayuda… con tolo qu’ello significa pa les muyeres ya’l movimientu feminista. Dende entos les movilizaciones de sofitu son costantes, reforciándose dende que se recibió la noticia el pasáu mes de xunu de que’l Tribunal Supremu refugaba’l recursu y ratificaba la sentencia condergatoria.

Nel Dos Santos

This work is licensed under a Creative Commons Attribution 4.0 International License.