El responsable del comentariu en redes, qu’escribe baxo’l nome de “Fraudelino Reviejo”, tien nel so perfil la imaxe de Donald Trump cola bandera d’España pinta nel papu y la lleenda “Vamos España”
El comentariu vien de magar una correición fecha pol usuariu “Diañu d’Ozcos” al períódicu La Voz de Asturias por utilizar incorrechamente’l topónimu “Grado” nuna noticia sobre los restos de Carlos Barrero. Nesi sen, Diañu comenta “Por respetu al difuntu … #Grau ye el nome y topónimu verdaderu y llegal. Precisamente “Grado” ye’l topónimu inventáu yá impuestu pola fuercia la violencia y la tortura polos sos asesinos” a lo qu’esti energúmenu retruca “Pero qué cojones sabrás tú colega? Siempre se dijo Grado o si acaso Grao. Luego vienen los zoquetes de fuera como tú diciendo Grau. Grau me cago en dios el tiro que te metía en la nuca”
La ignorancia de nun saber que Grau -y non Grado- ye’l topónimu oficial d’esta llocalidá denota ya un nivel de desinformación bultable. Menaciar a quien usa la so llingua pa espresase con un tiru na nuca ya ye ñiciu de delitu.
Una visita más a fondu a les redes sociales d’esti personaxe dexa nidio la triba de persona que ye: racista, machista, faltosu y sobro tou, mui, mui español.
Nel Dos Santos
This work is licensed under a Creative Commons Attribution 4.0 International License.
