Nesta ocasión, un curuxu foi la víctima mortal de los defeutos d’aisllamientu de les torretes.
La Coordinadora Ecoloxista d’Asturies informa d’una nueva rapaz lletrocutada n’una torreta de la llínea llétrica d’Udrión, nel conceyu d’Uviéu. Trátase d’un curuxu y ye’l segundu ave d’una especie protexía pola llexisllación que muerre nes mesmes circustancies.
La electrocución de les aves nesta torreta demuestra la falta d’un correctu aislamientu na mesma, col consecuente riesgu para cualquier ave que se pose nella. Dambos fechos fueron denunciaos a les autoridaes competentes en materia medioambiental, ensin qu’hasta agora se corrixeren los defectos d’aislamientu.
La lletrocución ye una de les causes de mortalidá más importante pa les aves, según recueyen numberosos estudios científicos que respuenden por la gravedá d’esti problema, polo que la lexislación impunxo midíes para amenorgar estes morrines al traviés de midíes preventives. La xurisprudencia obliga a les empreses eléctriques a tomar midíes preventives pa evitar estos accidentes, midíes que nun se tomaron nesti casu.
Dende la Coordinadora Ecoloxista d’Asturies encamentenal Gobiernu d’Asturies a qu’esixa a la empresa responsable de la instalación a que, ensin dilación, corríxanse los defectos d’esta infraestructura pa evitar nuevos accidentes.
Nel Dos Santos
This work is licensed under a Creative Commons Attribution 4.0 International License.
