Los ganaderos asturianos tienen que faese cargu de tolos gastos derivaos de la enfermedá, incluyíos los costosos analises pa confirmar el diagnósticu, polo que munchos casos nun cunten con confirmación del llaboratoriu
El sindicatu Unión Rural Asturiana (URA) denuncia l’espoxigue de la “fiebre de les vaques”, nome pol que se conoz comunmente a la enfermedá hemorráxica epizoótica, denunciando la presencia de casos nes llocalidaes ibienses de Castaosa, Santiso y Folgueiras, asina como la muerte de reses nel vecín conceyu de Cangas.
Más esmolecíos de salir del pasu de les acusaciones que de tomar midíes, la Conseyería de Mediu Rural llíndase a señalar qu’esos casos “nun tán confirmaos nel llaboratoriu” anque reconocen que tienen casos sospechosos “ensin confirmar” n’Ibias y L.lena.
Los ganaderos afirmen que yera posible prever la situación y planiar protocolos d’actuación que frenaren con tiempu la meyora de la enfermedá, como se fai, por casu, en Galicia. En Asturies, aporfien “siguimos como l’añu pasáu, con noticies confuses, ensin protocolos actualizaos y coles oficines comarcales desinformaes dafechu”. Amás, en contra de lo qu’asocede n’otros territorios del estáu, en Asturies son los ganaderos los encargaos d’asumir tantu’l costu del tratamientu, como la estracción de sangre pal analís de los casos.
Alberto Rodriguez
This work is licensed under a Creative Commons Attribution 4.0 International License.
