La Fundación Almastur entama’l segundu cursu empobináu a esparder los diseños y métodos de talla de maera tradicionales n’Asturies
Un horru allugáu na llocalidá de Garbelles de Baxo, en Caldones (Xixón) acoyerá de magar l’ún d’ochobre la segunda edición d’esti cursu, empobináu a toos los que quieran aniciase na talla de maera o ya tean una idega y quieran perfeicionar la so téunica y practicar.
Nelli non solo se fadrá trabayu prácticu -adaptáu al nivel de ca participante- sinón que se falará de les estremaes tribes de maera y les sos carauterístiques, deprenderáse too sobre les ferramientes a utilizar, incluyendo’l so caltenimientu y trabayaráse nel diseñu de los motivos tradicionales de la talla asturiana, viéndose les técniques básiques de talla de caún d’ellos.
El plazu de matrícula nel cursu ye hasta’l 21 de setiembre, ya impartiráse en dos sesiones semanales de dos hores cauna. P’apuntase, escribir a carlosrubieratuya@gmail.com.
Susana Sela
This work is licensed under a Creative Commons Attribution 4.0 International License.
