Los espertos apunten a compres pa segunda vivienda y pa usos turísticos, ensin descartar la especulación comu orixe d’estes compres, afalao pol desmidíu xorrecimientu de los precios de los alquileres
El xorrecimientu del mercau inmobiliaru asturianu foi progresivu, con un aumentu del 19% nel primer mediu añu y d’un 41,6% esti caberu mes, colocacndo a Asturies como el territoriu nel que más medra esti tipu de transaciones. Esti puxu de les operaciones coincide col xorrecimientu de los precios de la vivienda, con una subida interañal del preciu por metru cuadráu de prácticamente’l 10%.
Los asturianos son los que más capacidá alquisitiva perdieron nel 2023 en tol estáu, con una cayía media del 5% xenerada pola inflacción y porque n’Asturies los salarios, al contra de lo que pasa n’España, nun subieron. Al tiempu, la concesión de créditos baxó les cuanties promediu más d’una cuarta parte.
Sicasí eso nun ye problema, porque más de la metá de les compres, seis de ca diez, fixéronse pagando en man, ensin hipoteca. Tamos falando de compres feches por persones de mui altu poder alquisitivu y la inversión foriato ta tres de bona parte d’estes alquisiciones, seique’l Centru d’Información Estadística del Notariáu (CIEN) nun apurrió porcentaxes d’esa información.
Llucía F. Marqués
This work is licensed under a Creative Commons Attribution 4.0 International License.
