El colectivu de sofitu a les sindicalistes condergaes y la conceyalía de Cultura de Mieres presentaron ayeri un mural alusivu, obra de Nieves González 

Ayeri a les siete de la tarde tuvo llugar en Mieres la presentación del mural solidariu en sofitu a Les 6 de La Suiza. D’esta manera queda nes muries el testimoniu gráficu d’esta llucha, que se allarga yá más d’ocho años y que defende non solo’l casu concretu de La Suiza, sinón sobre too, el derechu a exercer el sindicalismu y a defender a la clas trabayadora, frente a les sentencies que criminalicen y castiguen duramente les acciones revindicatives. 

L’artista mierense Nieves González foi la diseñadora de la obra, que se pintó en comunidá mientres el mes pasáu y presentóse oficialmente al públicu ayeri. Dempués de la presentación de la mesma tuvo llugar una charra-alderique na que s’espunxo la situación de les sindicalistes condergaes por defender con concentraciones pacífiques a una emplegada de los abusos del so empresariu nel añu 2017.

Nel Dos Santos

This work is licensed under a Creative Commons Attribution 4.0 International License.