El procesu de matrícula va tar abiertu hasta’l 29 d’esti mes pa entamar el procesu formativu’l llunes 30 de setiembre

Iniciativa pol Asturianu abrió esti llunes 16 de setiembre un nuevu períodu de matrícula que se va estender hasta’l 29 d’esti mes pa entamar propiamente la formación el día 30. La formación va facese a distancia, al traviés d’una plataforma dixital. Los cursos van tener una duración de 36 hores llectives y van a entamar el 30 de setiembre y rematar el 13 d’avientu. La modalidá a distancia favorez la autoorganización del alumnáu y permite-yos dir faciendo les actividaes según l’horariu de caún, de manera más conveniente. 

El nivel inicial ta empobináu a persones ensin formación d’asturianu o con nivel baxu de conocencia. Los estudiantes que superen el cursu van algamar una acreitación de l’Academia de la Llingua Asturiana.

El preciu de la matrícula ye de 60 euros. Les persones asociaes a Iniciativa pol Asturianu van beneficiase d’un descuentu y solo tienen qu’abonar 50 euros. Toles persones interesaes pueden asociase nel momentu de la matrícula y disfrutar d’esti descuentu. Les inscripciones pal cursu pueden cubrise nun formulariu na propia páxina web d’Iniciativa pol Asturianu, onde tamién s’alcuentren toles condiciones pal mesmu.

Nel Dos Santos

This work is licensed under a Creative Commons Attribution 4.0 International License.