Dientro’l siniestru pingar d’anuncies d’istalación de parques de bateries na zona rural d’Asturies, el gobiernu vien d’anunciar la tramitación de tres nuevos, con un total d’ocho contenedores
En xunu d’esti mesmu añu, tres de delles movilizaciones vecinales y ecoloxistes, el Conseyeru d’Ordenación de Territoriu, Urbanismu, Vivienda y Drechos Ciudadanos, Ovidio Zapico, garantizaba ante cuasi una centena de vecinos de Candamo, Illas y Les Regueres, la distancia de los parques de bateries con núcleos rurales, cases disperses, mases forestales y ganaderíes.
Güei nel BOPA anunciase la tramitacion de tres nuevos parques en zones rurales y arrodiaos de viviendes. Ún d’ellos allugaríase’n Guimarán (Carreño), con cuatro contenedores; otru, n’Antromero (Gozón), con dos contenedores ya’l terceru en Llavandera (Xixón) tamién con dos contenedores.
De fechu, el Principado reconoz la esistencia de na menos que 170 proyectos presentaos, de los que se conoz l’allugamientu de 51. De los que se sabe llugar, lloñe de tar comu s’alcordare en zones industriales, tan tramitándose cerca de viviendes. Los conceyos afeutaos son Salas, Salime, Siero (4 parques), Llanera (3), Mieres (2), Cangas, Uviéu (8), Avilés (3), Corvera (2), L.lena, Colunga, Villaviciosa (4), Soto Ribera, Regueres, Xixon (6), Candamo (3), Gozón (4), Piloña (3), Grau y Carreño (2). Na so mayoría, sobre suelu agrícola, invadiendo dafechu’l paisaxe asturianu y dañando la vida tradicional y la biodiversidá de toa Asturies.
La escasa distancia que habría ente los contenedores de bateríes y les viviendes afectaría a los sos moraores -y a los animales de la fastera- con una fuerte contaminación electromagnética, faciendo medrar el riesgu de lleucemia n’adultos, cáncanu de mama o celebral.
Esiste amás un fuerte riesgu en casu de fuga térmica o incendiu, con consecuencies irreversibles tanto pal mediu ambiente comu pa la salú humano.
Nel Dos Santos
This work is licensed under a Creative Commons Attribution 4.0 International License.
