El díi 28 de setiembre llega a Xixón el Salón del Videoxuegu, eventu centráu nel mundu steam
y gaming
Diez hores integramente dedicaes a los videoxuegos y la formación en llinea, con espacios pa estremaes videoconsoles, dende la PS1 hasta la PS5, faciendo un percorríu históricu pel mundu gaming y apostando por una ufierta xuvenil y familiar, esa ye la propuesta del Salón del Videoxuegu, que cunta tamién con equipos de realidá virtual.
L’eventu va tener llugar el sábadu 28 na Antigua Escuela de Comerciu y pretende, amás d’entretener, venceyar el mundu de los videoxuegos col mundu formativu “una y bones los profesionales del presente y del futuru, son diseñadores, programadores, artistes y espertos en comunicación y n’esencia
un videoxuegu ye’l productu del trabayu de toos estos perfiles steam”.
Por ello, a la programación súmase tamién una ufierta de talleres de Programación de Videoxuegos Arcade, de 17 a 18 hores y de 18 a 19. Tamién va cuntar con un taller de robótica de 20 a 21 hores.
Les inscripciones son totalmente de baldre y tán disponibles unviando un mail a salonvideuxuegugmail.com.
Tantu los talleres como l’accesu xeneral son totalmente de baldre gracies a los patrocinadores del alcuentru: Xixón Impulsa, Xixón Mocedá y Asturies Cultura en Rede, ente otros.
Alberto Rodríguez
This work is licensed under a Creative Commons Attribution 4.0 International License.
