Cerca d’algamar la metá de la llexisllatura seguimos ensin saber en que va consistir el cacarexáu Plan de Normalización anunciáu pol Gobiernu asturianu comu probe sustitutu de la necesaria oficialidá

Iniciativa pol Asturianu reclama al Gobiernu asturianu qu’entame de forma urxente la tramitación parllamentaria del Plan de Normalización.”Asturies nun tien un plan de normalización vixente dende va cuasi venti años” aporfien. Pa l’asociación de reivindicación llingüística paez inesplicable qu’un gobiernu sofitáu por fuercies parllamentaries que lleven la oficialidá y la normalización del asturianu nel programa electoral, nun dea siquier esti pasu.

La Conseyería de Cultura, Política Llingüística y Deporte informó nel mes d’abril de que’l documentu “taba mui avanzáu”. Sicasí, a pocos meses de llegar a la primer metá de la llexislatura, sigue pendiente aprobar un plan que permita conocer los oxetivos del Gobiernu nesti ámbitu asina como poder evaluar si se tán cumpliendo. Ta nidio qu’esos oxetivos nun incluin la oficialidá ta nidio y que’l nomau plan nun va dir muncho más allá de puntualizar y con muncha suerte facer cumplir la Llei de Promoción y usu que lleva décades siendo inutil pa los asturfalantes.

Iniciativa pol Asturianu recuerda tamién qu’esi plan ye un remediu d’emerxencia a curtiu plazu y nun pue ser la solución definitiva pa la discriminación llinüística y que ye necesario tamién avanzar paralelamente nel procesu de reforma estatutaria pa llograr la oficialidá.

Susana Sela

This work is licensed under a Creative Commons Attribution 4.0 International License.