Miguel Ánxelu Rodicio, enfermeru del HUCA y delegáu de sanidá d’Andecha Astur, resume’n redes la llaceria que se vive nel díi ente díi del hospital asturianu. Un relatu breve que dexa nidio por qué falten profesionales de la sanidá n’Asturies, una situación que perxudica a trabayadores y usuarios por igual y namás beneficia a la sanidá privada
“Esta ye la Sanidá Pública del PSOE. Entres media hora enantes, nun furrula nin el tecláu nin la impresora del “Cabezón” (ordenador pa sacar la melicación). Coyes un portatil y tampoco furrula. Hai cames esgonciaes, que nin igüen nin les cambien.
Tres dies a la semana ties que trabayar ensin guantes, porque se finen y nun se reponen.
Si pides un día, de los que ties derechu a pedir, dante la contestación como muncho un día enantes. Teo un compañeru con familia n’Ibiza que-y respondieron el día que tendría de coyer l’avión.
Lleves como enfermeru/a un ratiu de 24 pacientes pa ti solu. Si pides refuerzos dícente que pa eso te paguen. Cuando entres pa les siete y ties que tener preparaos dos carros de melicación preparaos más diez analítiques, más preparar los quirófanos… ties qu’entamar a les cinco a facer el trabayu de les siete. Eso no ye calidá asistencial.
Conclusión, tengo entendio que de toles que finaron enfermería esti añu solo 20 s’apuntaron a la bolsa de trabayu’l SESPA. Llibramos porque vienen munches d’España, pero al añu marchen espavoriaes, la mayoría”.
Miguel Ánxelu Rodicio
This work is licensed under a Creative Commons Attribution 4.0 International License.
