El fin de la temporada de branu trai consigo l’avezada perda del emplegu y xubida del paru, especialmente ente mocedá y muyeres, los colectivos los que se ven más afectaos polos contratos temporales y precarios

Les oficines del Serviciu Públicu d’Emplegu asturianes presllaron el mes con 53.801 persones en paru rexistraes, aumentando en 1.416, con una media de 385.913 cotizantes a la Seguridá Social, en perdiendo 5.285 puestos de trabayu.

Tou ello pesi a les numberoses contrataciones de docentes debíes al entamu de cursu, que nun llograron contrarestar les perdes d’emplegu derivaes de la precariedá de los trabayos braniegos n’hostelería, l’únicu emplegu que pue esperase del sofitu incondicional al turismu por parte l’executivu asturianu.

Tocantes a les prestaciones por desempléu, más de la metá de les 30.923 persones beneficiaries (el 51%) perciben les asistenciales, que se caltienen en 480 euros al mes, xuna cuantía que nun dexa cubrir les necesidaes básiques.

Nel Dos Santos

This work is licensed under a Creative Commons Attribution 4.0 International License.